Ukrayna məsələsində real irəliləyiş var - Rubio
Çox uzun müddətdən sonra ilk dəfə həm Ukraynadan, həm də Rusiyadan olan texniki hərbi qruplar görüşür.

Bu sözləri ABŞ Dövlət katibi Marko Rubio deyib.

O bildirib ki, ABŞ-ın təmsilçiləri Cared Kuşner və Stiv Uitkoff da görüşdə iştirak edir və ABŞ bunun vacib olduğunu düşünür:

“Baxın, danışıqların irəliləyiş olduğunu demək istəmirəm, amma burada iştirak etməyimiz yaxşıdır. Məqsədimiz prosesə sadiq qalmaqdır. Biz buna bir il vaxt ayırmışıq. Hesab edirik ki, real irəliləyiş əldə etmişik. Ukrayna ilə Rusiya arasında sülh sazişinin əldə edilməsi baxımından açıq qalan maddələrin siyahısı əhəmiyyətli dərəcədə azaldılıb. Lakin qalanlar ən çətin olanlardır. Biz çox yüksək səviyyədə xeyli vaxt və enerji sərf edirik”.