Nəşr bunu Ukraynanın “Dəmir Qübbə”sinin tərkib hissələrindən biri adlandırır. Bu sistemə həmçinin 3D printerdə çap olunmuş dron-tutucular, ən yaxşı Rusiya zenit idarə olunan raketinin karbon lifindən hazırlanmış surəti və turel quraşdırılmış təkərli robotlar da daxildir.
Jurnalist Saymon Şuster təsvir edir:
“Lazer kameralar hədəfi izlədikcə fırlanırdı. Operator qışqırdı: ‘Atəş!’ Bir neçə saniyə ərzində dron, sanki görünməz ildırım vurmuş kimi yanmağa başladı və sonra alovlu bir qövs cızaraq yerə düşdü.”
Bu silah avtomobilin baqajına asanlıqla yerləşir, heç bir səs çıxarmır və işıq saçmır.
Ukrayna modeli dünyada ilk lazer silahı deyil. ABŞ Hərbi Dəniz Qüvvələri 150 milyon dollarlıq müqavilə çərçivəsində Lockheed Martin tərəfindən hazırlanmış Helios adlı sistemə malikdir. İlk Helios lazeri ABŞ esminesinə PUA-lardan (dronlardan) müdafiə üçün quraşdırılıb.
Sunray yaradıcıları bu lazeri təxminən 2 il ərzində və bir neçə milyon dollara hazırlayıblar.
Джавид Дамирли
TEREF