İslam Respublikasının zənginləşdirilmiş uran ehtiyatları hazırda ABŞ tərəfindən vurulan nüvə obyektinin dağıntıları altındadır və Beynəlxalq Atom Enerjisi Agentliyinin (BAEA) nəzarəti altında çıxarıla bilər.

Bu barədə İranın xarici işlər naziri Abbas Araqçi CBS-ə verdiyi müsahibədə bildirib.

"Bildiyiniz kimi, nüvə obyektlərimizə hücum edilib. Və hamısı dağıntılar altındadır. Əlbəttə ki, onları geri almaq imkanı var, amma bu, yalnız agentliyin nəzarəti altındadır. Əgər biz bunu etmək qərarına gəlsək, bu, agentliyin nəzarəti altında həyata keçiriləcək. Amma hələlik bizim nüvə proqramımız yoxdur. Onları dağıntılar altından geri almaq planımız yoxdur", - XİN rəhbəri zənginləşdirilmiş uran ehtiyatları ilə bağlı sualı cavablandırarkən deyib.