Bakıda "Broker Əbülfəz” kimi tanınan Əbülfəz Məlikovun sifarişi ilə həbs edilmiş Nəriman Şabanov məhkəmə zalında həbsdən azad olunub. Criminal.az saytının məlumatına görə, Abşeron rayon Məhkəməsinin onun barəsində seçilmiş həbs-qətimkan tədbirinin uzadılmasından imtina edib.
N.Şabanov 2017-ci ilin yanvarında "Foodini" MMC-nin rəhbəri Elçin Bilalov Səbail Rayon Polis İdarəsinə ərizə yazaraq bildirib ki, Bibiheybət qəsəbəsində yerləşən şirkətində operator işləyən Xaçmaz rayon sakini, 1987-ci il təvəllüdlü Nəriman Şabanov 700000 manat dəyərində ərzaq mallarını satıb və pulunu ələ keçirib.
''Broker Əbülfəz''in sifarişi ilə başlanan cinayət təqibinə görə, 2017-ci il Bakı şəhər Baş Polis İdarəsinin vəsarəti ilə N.Şabanovun barəsində 3 ay müddətinə həbs-qətimkan tədbiri seçilmişdi.

Üzun mübarizədn sonra məhkəməyə işin qondarma və sifarişli olduğunu aydın olub. Abşeron Rayon Məhkəməsi Cinayət Məcəlləsinin 308-ci və 178.3.5-ci maddəsi ilə həbs-qətimkan tədbirinin uzadılmasından imtina edib.
N.Şabanovun azadlığa buraxılmasını vəkili Ceyhun Yusufov təsdiqlədi.
Criminal.az bildirir ki, "Foodini" MMC- ''Broker Əbülfəz''ə məxsusdur. Görünür, gömrük sistemində əsas dayaqlarını itirən ''Broker Əbülfəz''in məhkəməyə təsir etmək imkanı da heçə enib.