İsrailin ölkəmizdəki səfiri Dan Stav “Haaretz” qəzetində Azərbaycanla bağlı qərəzli məqalənin dərc olunmasına münasibət bildirib.


AzVision.az-ın məlumatına görə, səfir məsələ ilə bağlı bəyanat yayıb və bildirib ki, “Haaretz” qəzetinin adından yayılan məqalə saxtadır.

“Belə bir məqalə İsrail KİV-lərində yayımlanmayıb. Turizm naziri Yariv Levin heç vaxt bu saxta xəbərdə yer alan fikirləri deməyib” - deyə səfir vurğulayıb.

Qeyd edək ki, iyulun 30-da İsrailin “Haaretz” qəzeti Azərbaycanla bağlı yalan və böhtandan ibarət növbəti yazı dərc edib. Azərbaycan Prezidentinin xarici siyasət məsələləri üzrə köməkçisi Novruz Məmmədov İsrail qəzetini sərgilədiyi qərəzli mövqeyə görə sərt tənqid edib.