“Azimport” şirkəti Meydan TV-ni məhkəməyə verib.

Buna səbəbə fevralın 22-də Meydan TV-də dərc olunan “10 il tender qalibi olan ”Azimport”” başlıqlı araşdırma yazısıdır. Yazıda şirkətin əslində kimə məxsusluğu, gördüyü işlər, daimi tenderlərin qalibi olması barədə məlumatlar dərc olunub.

Araşdırmada şirkətin rəhbərliyində təmsil olunan Azər Əsgərovun, eləcə də barəsində ittiham səsləndirilən hər kəsin münasibəti qeyd edilib.

Virtualaz.org saytının məhkəmə ilə bağlı məlumatında qeyd olunur ki, Azər Əsgərovla bağlı göstərilən faktlar jurnalist fantaziyasından başqa bir şey deyil. Adı çəkilən şirkətdən bildiriblər ki, nə Azər Əsgərov, nə də ki şirkərin digər nümayəndələrindən heç biri Meydan TV-yə müsahibə verməyib. Bununla bağlı “Azimport” şirkəti və A.Əsgərov Baş prokurorluğa və məhkəmə orqanlarına müracət edib.

Meydan TV isə “Azimport” şirkətinə ünvanlanan sorğunun cavabını, eləcə də Azər Əsgərovun səs yazısını təqdim edib.