"Uşaqlar 3 gün soyuqda qaldılar" - Gəncə sakini qazın olmamasından şikayət etdi VİDEO
23-10-2025, 16:38
Gəncə sakini Urfan Qasımov qaz problemindən şikayətçidir.
İllərdir qazsız qalan Gəncə sakini aidiyyəti qurumlardan kömək istəyir: "Qaldığım evdə işıq, su var, amma qaz yoxdur. Evin çıxarışı olmadığı üçün qaz çəkilmir. İşıq pulu 1 500 manata kimi yazdı, qış ayında gəlib işığımı kəsdilər, uşaqlar 3 gün soyuqda qaldılar. Balalarım xəstələnir, üşüyürlər. Anası atıb gedib, 5 uşağa tək baxıram", - deyə Urfan Qasımov bildirib.
"Azəriqaz" İstehsalat Birliyindən bildirilib ki, fərdi yaşayış evinin qazlaşdırılması üçün vətəndaş müvafiq sənədləri ilə "ASAN Xidmət" və "ASAN Kommunal" mərkəzlərinə müraciət etməlidir: "Əgər tələb olunan sənədlər qaydasındadırsa, texniki şərt hazırlanaraq vətəndaşa təqdim olunur. Vətəndaş isə onun əsasında xüsusi lisenziyası olan podratçılarla anlaşaraq fərdi yaşayış evlərini maddi vəsait hesabına qazlaşdırır".