“Lukoyl” rəhbərliyi “Spartak”ın səhmlərini başqa sahibə ötürməyi düşünür.

Bu barədə “Championat”a vəziyyətlə tanış olan iki mənbə bildirib.

“Lukoyl”a qarşı ABŞ sanksiyalardan sonra “Spartak”a dəyən ziyanı minimuma endirmək üçün bir variant klubu yeni sahibə ötürməkdir. Əvvəllər VTB və “Dinamo” bu sxemdən istifadə edib”, – mənbə bildirib.

Xatırladaq ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) Rusiyanın iki ən böyük neft şirkəti olan “Rosneft” və “Lukoyl”a qarşı sanksiyalar tətbiq edib. Onlar həmçinin 28 törəmə şirkətini hədəfə alıblar.

Futbol klubu birbaşa sanksiya siyahısına daxil edilməyib, lakin məhdudiyyətlər 50% və ya daha çox “Lukoyl”a məxsus olan bütün təşkilatlara şamil edilir. Hazırda “Lukoyl” klubun səhmlərinin 100%-nə sahibdir.