Cari ilin yanvar-sentyabr aylarında icbari sığorta üzrə yığımlar 275 milyon 410 min manat olub.

Valyuta.az xəbər verir ki, bu, icbarı sığorta üzrə yığımlarda 17 milyon 131 min manat və ya 6,63% artımın olduğunu deməyə əsas verir.

Belə ki, ötən ilin eyni dövründə bu sığorta üzrə yığılan sığorta haqları 258 milyon 279 min manat olub.

Eyni zamanda, illik müqayisədə icbarı sığorta üzrə ödənişlərdə də 6 milyon 476 min manat və ya 6,54% artım olub.

Belə ki, cari ilin ilk 9 ayında icbari sığorta üzrə ödənişlər 105 milyon 421 min manat olub ki, ötən ilin eyni dövründə bu göstərici 98 milyon 945 min manat olub.