Ukraynada müharibə başlayandan bəri Rusiya neftinin qiyməti ən aşağı səviyyəyə enib.

Bu barədə "Bloomberg" agentliyi xəbər verir.

Məlumata görə, artan sanksiya təzyiqi Rusiyanın neft satışını və daşımasını çətinləşdirir. Məhdudiyyətlər həm də Rusiya xammalının əsas alıcıları olan ölkələrdəki neft emalı zavodlarını, xüsusən Hindistanı əhatə edir ki, bu da Rusiya ixracatçılarını əhəmiyyətli endirimlər təklif etməyə məcbur edir.

Qeyd olunub ki, Baltik və Qara dəniz limanlarından, həmçinin şərqdəki Kozmino limanından ixrac olunan Rusiya neftinin orta qiyməti 1 barel üçün 40 dollardan bir qədər çoxdur. Bu, əvvəlki üç ayın orta göstəricisindən 28% azdır.