ABŞ prezidenti Donald Tramp cümə günü Ağ Evdə çıxışı zamanı “qızıl kart” adlandırılan sürətləndirilmiş yaşama icazəsi proqramından 1,3 milyard dollar gəlir əldə edildiyini bəyan edib.

Valyuta.az xəbər verir ki, Prezident Tramp cibindən “Trump qızıl kart”ını çıxararaq qeyd edib ki, kredit kartından bir qədər böyük ölçüdə olan və üzərində qızılı dizaynla yanaşı Trampın təsviri yer alan bu kartı “əslində bu, gücləndirilmiş yaşıl kartdır”.

“Qızıl kart” proqramı Tramp administrasiyası tərəfindən ABŞ-da yaşamaq istəyənlər üçün nəzərdə tutulan sürətləndirilmiş viza mexanizmidir.

ABŞ ticarət naziri Hovard Latnikin verdiyi məlumata görə, proqram üzrə müraciət haqqı fiziki şəxslər üçün 1 milyon, şirkətlər üçün isə 2 milyon dollardır.