Bu il şəkərin qiyməti təxminən 22% ucuzlaşıb, bu isə 2017-ci ildən bəri ən kəskin illik azalmadır.

Teleqraf xəbər verir ki, hazırda şəkər fyuçersləri bir funt üçün təxminən 15 sent səviyyəsində ticarət olunur, bu da 2021-ci ildən bəri ən aşağı göstəricidir.

Azalmanın əsas səbəbi 2025-2026 mövsümündə Braziliya, Hindistan və Tailand kimi əsas istehsalçı ölkələrdə yüksək məhsuldarlıq hesabına qlobal profisit formalaşacağı ilə bağlı proqnozlardır.

Gözləntilərə görə, bazar 2024-2025 mövsümündə təxminən 2 milyon tonluq kəsirdən 2025-2026-da 7 milyon ton civarında profisitə keçəcək. Bu isə 2017-2018 mövsümündən bəri ən böyük şəkər profisiti olacaq.