ABŞ-ın HBO studiyası “Taxt-tac oyunları”nın (“Game of Thrones”) növbəti spin-offunu hazırlamağa başlayır.

Bu barədə “The Hollywood Reporter” öz mənbələrinə istinadla xəbər verib.

Nəşrdən bildirilir ki, bu, Con Snounun macəralarının davamı olacaq.

Yeni layihənin süjeti orijinal serialdakı hadisələrdən sonra Con Snounun həyatı ilə bağlı olacaq.

Xatırladaq ki, “Taxt-tac oyunları” serialının səkkizinci və sonuncu mövsümündə Snou əsl adının Aeqon Tarqaryen olduğunu və Dəmir Taxtın potensial varisi sayıldığını öyrənir. Serialın finalında Con-Aeqon Vesterosdan qovulur. Qəhrəman köhnə həyatı əbədi tərk etmək üçün Divardan o tərəfə keçir.

Nəşrdən o da bildirilib ki, Con Snou obrazını elə aktyor Kit Harrinqton özü canlandıracaq.