Türkiyədə azərbaycanlı yük maşını sürücüsünü qarət edən şəxslər yaxalanıb.

teref.az APA-ya istinadən xəbər verir ki, bu il fevralın 19-da Azərbaycandan Kocaelinin Çayırova qəsəbəsinə gələn Ayel Q. yük maşınını qəsəbədəki dayanacaqlardan birində saxlayıb.

Bu zaman üzü maskalı 3 nəfər Ayel Q.-yə hücum çəkib, onu təhdid edərək əllərini bağlayıb. Sürücünün üzərində olan 800 dollar, 400 lirə, mobil telefonu götürən soyğunçular bununla da kifayətlənməyib, yük avtomobilini də aparıblar. Olayla bağlı araşdırmalara başlayan Türkiyə polisi yük maşınının Ankarada ehtiyat avtomobil hissələrinin satışı ilə məşğul olan U. K.-yə 45 min lirəyə çatıldığını üzə çıxarıb. U. K. saxlanılıb. Ötən gün polisin İstanbulda apardığı əməliyyat zamanı S. Ç, Y. Y. və S. D. də yaxalanıb.

Şübhəlilərdən S. Ç. barədə məhkəmənin oğurluq, saxtakarlıq və dələduzluqla bağlı 2,3 il azadlıqdan məhrumetmə qərarı olduğu da məlum olub. S. D. isə şəxsi əmlaka ziyan vurma ilə əlaqədar axtarışda olub.