“Cenevrədə planlaşdırılan danışıqlar hərbi əsirlərin mübadiləsini də əhatə edəcək”.
Yeniavaz.com xəbər verir ki, bunu Ukrayna Prezidenti Volodimir Zelenski Münhendə jurnalistlərə verdiyi açıqlamada bildirib.
“Görünür, rusların təxminən 7 min, bəlkə də bir az az ukraynalı əsiri var. Bizdə isə artıq 4 mindən çox əsir var və bu, yaxşı xəbərdir, çünki əvvəllər 1500 nəfər var idi”, - deyə Prezident Zelenski bildirib.
Dövlət başçısı Ukraynanın istənilən formatda əsir mübadiləsinə hazır olduğunu deyib:
“Əgər onlar “hər kəs hər kəs üçün” desələr, bu əladır; əgər “min əsirə min əsir” desələr, bu əla olmaz, amma yenə də çox yaxşıdır. Lakin, hətta “yüz əsirə yüz əsir” desələr belə, biz buna da razı olacağıq, çünki bizim üçün hər hansı bir belə addım müsbətdir. Qrupumuzun belə bir mandatı var”.