ISW-nin məlumatına görə, ötən həftənin çərşənbə günündən bazar gününə qədər Ukrayna hərbçiləri 201 km² ərazini geri qaytara biliblər. Bu, demək olar ki, Rusiyanın bütün dekabr ayı ərzində ələ keçirdiyi əraziyə bərabərdir və 2023-cü ilin iyunundan bəri ən böyük irəliləyiş sayılır.
Ukrayna qüvvələri Aleksandrovsk və Qulyaypol istiqamətlərində Yançur və Qayçur çayları boyunca yerləşən yaşayış məntəqələrini yenidən nəzarətə götürüblər.
Ukraynalı hərbi ekspert Konstantin Maşovetsin qiymətləndirməsinə görə, bəzi ərazilərdə Rusiya işğalçıları 9–9,5 km geri çəkilməyə məcbur edilib.
ISW analitikləri hesab edirlər ki, Ukraynanın uğurlu əks-hücumları ehtimal ki, işğalçılar üçün Starlink-in bloklanması ilə əlaqədardır.
Bu gün Ukrayna Silahlı Qüvvələrinin Baş Komandanı Oleksandr Sırskı bildirib ki, Ukrayna bölmələri Aleksandrovsk istiqamətində və Qulyaypol ətrafında “effektiv əks-hücum və hücum əməliyyatları” aparırlar.
Джавид Дамирли
TEREF