ABŞ-ın məşhur "New York Times" qəzeti PKK-nın Suriyadakı qolu PYD-nin silahlı qanadı YPG ilə ABŞ arasında əməkdaşlığın detallarını üzə çıxarıb.

Avropa.info xəbər verir ki, qəzetin yazdığına görə, PKK-nın Suriya qolu İŞİD-in yerləşdiyi məkanları müəyyən edərək, ABŞ ordusuna məlumat verir. Bundan sonra ABŞ təyyarələri həmin əraziləri bombalayır.

Məlumatlara görtə, PKK-çılar kompüterdə "Google Earth"dən istifadə edərək, bölgədə döyüşdükləri IŞİD-çilərin yerlərini işarələyərək, ABŞ əsgərlərinə göndərirlər.

PKK sarı, İŞİD qırmızı

Göndərilən məlumatda PKK-çıların yerləri sarı, IŞİD-çilərin yerləri isə qırmızı rənglə işarələnir. 36 yaşlı PKK komandirlərindən olan Talal Ramanın kilometrlərlə uzaqlıqda yerləşən ABŞ hərbi əməliyyat otağındakı hərbçiyə belə yazdığı bildirilir:

"Dostlar , düşmənin sizə göndərdiyim GPS (Qlobal Konumla-ma Sistemi) ünvanında hərəkət etdiyini görə bilərsiniz ."

Qəzetin yazdığına görə, beləliklə də , telefonsuz əlaqə saxladıqları PKK-çılardan aldıqları GPS koordinatları ABŞ əsgərlərinin işinə yarayır. Bundan sonra isə PKK-nın verdiyi kordinatlar vurulur.