Rayt qardaşları nəhayət təyyarələri ilə havaya qalxdıqda, heç kim bunu hiss etmədi. İnsanlar uçuşun qeyri-mümkünlüyünə o qədər əmin idilər ki, 1905-ci ildə Ohayo ştatının Deyton şəhərində ilk uçuşlarının şahidi olanların əksəriyyəti bunu praktik faydası olmayan bir hiylə kimi qəbul etdilər.
Yalnız 1908-ci ilin may ayında, Rayt qardaşlarının ilk uçuşundan təxminən dörd il yarım sonra qəzetlər təcrübəli müxbirləri onların nə etdiklərini araşdırmaq üçün göndərdilər və təcrübəli redaktorlar jurnalistlərinin heyranedici hesabatlarına inandılar.
Dünya nəhayət oyandı və bəşəriyyətin uğurla uçmağı öyrəndiyinə inandı.

Əvvəlcə təyyarəyə yalnız silah kimi baxılırdı. Sonra isə varlılar üçün oyuncaq kimi. Və yalnız sonradan onlar onun kiçik qruplar üçün nəqliyyat vasitəsi kimi istifadə edilə biləcəyi fikrinə gəldilər. "The Washington Post" qəzeti 1909-cu ildə yazırdı: "Heç vaxt kommersiya yük təyyarəsi olmayacaq. Yük yer səthində yavaş-yavaş hərəkət etməyə davam edəcək." Lakin beş ay sonra ilk yük təyyarəsi havaya qalxdı.
Rəşid Ziyatdinov
TEREF