Rusiyada “Trump” ticarət nişanı altında alkoqollu içkilərin istehsalı gündəmə gəlib. Kaluqa likör-araq zavodu “Kristall” “Trump” adlı ticarət brendinin qeydiyyatı üçün Rospatentə müraciət edib.

Tribuna.az xəbər verir ki, bu barədə Gazeta.Ru kontragentlərin yoxlanılması üzrə Rusprofile xidmətinə istinadən məlumat yayıb.

Müraciət təsdiqlənərsə, şirkət sözügedən ticarət nişanı altında geniş məhsul çeşidi istehsal edə biləcək. Söhbət araq, brendi, likörlər, şərablar, rom, pivə, eləcə də digər alkoqollu və alkoqolsuz içkilərdən gedir.

Qeyd olunur ki, müraciətin təqdim edilməsi avtomatik olaraq qeydiyyatın təsdiqlənməsi demək deyil. Lakin müsbət qərar verildiyi halda, “Trump” brendi Rusiyanın ərazisində kommersiya məqsədləri üçün rəsmi şəkildə istifadə oluna bilər.