Keçən gecə baş verən hadisə ABŞ ordusunun İranda yaranan strateji boşluqları aşkar şəkildə üzə çıxardığını göstərir. İranın hərbi gücünə həddindən artıq inananlar yanılırlar.
İranın ən böyük şəhərlərindən birinin cəmi 50 kilometrliyində ABŞ xüsusi təyinatlılarının müvəqqəti uçuş-enmə zolağı qurması və saatlarla əməliyyat aparması həm yüksək planlamanı, həm də İran tərəfinin zəifliyini ortaya qoyur. İranın illərdir formalaşdırmağa çalışdığı mifik güc bu cür hadisələr fonunda daha da şübhə altına düşür. Xüsusilə İsfahan və Xuzistan kimi strateji bölgələrin yaxınlığında xarici qüvvələrin bu qədər rahat hərəkət etməsi, rejimin öz ərazisinə tam nəzarət edə bilmədiyini göstərir.
Belə şəraitdə, ən müasir raket sistemləri belə quruda yaranan bu boşluqları doldura bilmir. Hadisəyə obyektiv qiymət vermək üçün sadə müqayisə kifayətdir: İran qəza zamanı öz prezidentini öz ərazisində tapa bilmədi, Türkiyə isə PUA vasitəsilə yerini müəyyən etdi, ABŞ isə İran ərazisində öz pilotlarını aşkar edib xilas etdi. Bu, təkcə uğurlu əməliyyat deyil, həm də bir pilotun xilası üçün böyük resurslar səfərbər etməklə onların düşmən əlinə keçməsinə imkan verməmək prinsipinin göstəricisidir.
VİDEO https://www.facebook.com/reel/3927623524041627
Джавид Дамирли
TEREF