1983-cü il oktyabrın 30-da İngiltərənin Nottingemşir qraflığının sakit Keyvort kəndində dəhşətli cinayət baş verdi: 16 yaşlı Kolett Aram zorlandı və boğularaq öldürüldü. Polis cinayətin üstünü aça bilmədi.
1984-cü ildə BBC telekanalında açılmamış cinayətlədən bəhs edən “Crimewatch” sənədli serialı başlayanda ilk bəhs edilən iş Kolett Aramın qətli oldu. Verilişdən sonra polisə 400-dən çox zəng gəldi, lakin verilən informasiyaların heç biri faydalı olmadı. Kolettin qətli 25 il ərzində açılmadı.
2008-ci ilin iyununda polis yol hərəkəti qaydalarını pozan bir sürücünü saxladı. Ondan götürülən DNT nümunəsi Kolettin üzərindəki spermadan götürülən DNT nümunəsi ilə çox yaxın idi, amma eyni deyildi. Zatən sürücü Jan-Pol Hatçinsonun 20 yaşı vardı və o, qatil ola bilməzdi. Qatil onun lap yaxın qohumu olmalı idi.
Sonrakı araşdırma sübut etdi ki, Koletti sürücünün atası 50 yaşlı Pol Hatçinson qətlə yetirib. 2009-cu ildə ömürlük həbsə məhkum edilən Hatçinson 2010-cu il oktyabrın 10-da çoxlu dərman içərək intihar etdi.
Yadigar Sadigli
TEREF