Trabzonda icazəsiz və qeyri-qanuni fəaliyyət göstərən, xalq arasında "merdiven altı" (gizli/qeyri-rəsmi) adlandırılan xəstə və qoca baxıcıları problemi günü-gündən dərinləşir.

32gun.az bildirir ki, xüsusilə son dövrlər bu sahədə çalışan xarici vətəndaşların sayı artıb ki, onların arasında azərbaycanlıların çoxalması diqqəti cəlb edən əsas məqamlardan biridir.

Vətəndaşlar qeyri-rəsmi yollarla, heç bir sənəd və tibbi yoxlamadan keçmədən evlərə cəlb olunan bu şəxslərin etibarlılığı ilə bağlı ciddi narahatlıq keçirirlər. Azərbaycanlı baxıcıların bu sektorda üstünlük təşkil etməyə başlaması, həm sosial, həm də hüquqi baxımdan bir sıra suallar yaradır. İnsanlar xəstə və yaşlılarını tam tanımadıqları, rəsmi qeydiyyatı olmayan və məsuliyyət daşımayan bu şəxslərə etibar etməyin risklərindən şikayətlənirlər.

Yerli əhali rəsmi qurumların bu "nəzarətsiz" xidmət şəbəkəsinə qarşı ciddi tədbirlər görməsini, bazarın tənzimlənməsini və xarici vətəndaşların işə götürülməsi prosesinin qanuni çərçivəyə salınmasını tələb edir. İctimaiyyət nümayəndələri vurğulayır ki, xüsusilə azərbaycanlıların üstünlük təşkil etdiyi bu qeyri-rəsmi "baxıcı bazarı" təcili şəkildə nəzarətə alınmalıdır, çünki bu, həm xəstələrin təhlükəsizliyi, həm də miqrasiya qanunvericiliyinə riayət olunması baxımından ciddi təhdid yaradır.

Bu sahədəki problemlərin həlli üçün aidiyyəti qurumların hansı addımları atacağı və "qeyri-rəsmi baxıcılıq" böhranının nə zaman çözüləcəyi isə hələ də cavabsız qalan əsas sual olaraq qalır.