Fransanın sabiq prezidenti Nikola Sarkozi və müğənni, super model Karla Bruninin qızı Culiya sosial şəbəkə hesabında açıq-saçıq geyimdə fotosunu paylaşıb.

Publika.az xəbər verir ki, Culiya “Instagram” platformasının hekayə bölməsində fotosunu izləyiciləri ilə bölüşüb. Paylaşım qısa müddətdə sosial mediada müzakirələrə səbəb olub.

Məşhurların varisi kamera qarşısına dərin dekolteli sinəbənddə çıxıb. O, saçlarını açıq buraxaraq parlaq makiyaj edib, diqqəti xüsusilə dodaqlarına və almacıq sümüklərinə çəkib.

Qeyd edək ki, ötən ilin oktyabrında Culiya atası haqqında çıxarılan məhkəmə qərarından sonra imic dəyişikliyi ilə də diqqət çəkib.

Xatırladaq ki, Paris məhkəməsi 70 yaşlı Sarkozini 2005-2007-ci illərdə Liviyanın mərhum lideri Muammar Qəddafi ilə bağlı qanunsuz maliyyələşmə işi üzrə təqsirli bilib. Keçmiş prezident oktyabrın 21-də Parisdə yerləşən La Sante Prison həbsxanasına yerləşdirilib, noyabrın 10-da isə azadlığa buraxılıb. O, ümumilikdə 20 gün həbsdə qalıb.