Suriya İnsan Haqları təşkilatı 2011-ci ilin martından bu yana ölkədə başlayan vətəndaş mübaribəsi nəticəsində həlak olanlarla bağlı indiyəqədər məlum olmayan faktlar aşkarlayıb. Axar.az xəbər verir ki, təşkilatın 26 iyun - İşgəncəyə qarşı mübarizə və işgəncəyə məruz qalanlarla həmrəylik günü münasibətilə hazırladığı hesabatda 99-u rejim güclərinin əlində olmaqla ümumilikdə 11429 insanın müxtəlif işgəncələrə məruz qalaraq öldürüldüyü üzə çıxıb. İşgəncəyə məruz qalanlardan 157-si uşaq, 62-si qadın olub. Hesabatda o da bildirilir ki, ölümlə, şikəstliklə və uzun müddətli psixoloji xəstəliklərlə nəticələnən bu cür işgəncələrin tətbiq edilməsində məqsəd qorxudulmuş bir cəmiyyət formalaşdırmaqdır.