Sosial şəbəkələrdə "myGov" platforması ilə bağlı diqqət çəkən paylaşım yayılıb.

Bizimese.com bildirir ki, paylaşımlarda qeyd olunur ki, "myGov" tətbiqində "Övladlarınızın analiz nəticələri" bölməsini yoxlayarkən uşaqların adına analiz nəticələri ilə qarşılaşırlar. Qeyd olunur ki, göstərilən tarixdə, eləcə də bu il ərzində övladını nə analiz vermək, nə də hər hansı müayinə üçün xəstəxanaya aparıb.

"myGov-u incələyirdim. 'Övladlarınızın analiz nəticələri' bölməsində uşağın analiz nəticələri qarşıma çıxdı. Həmin tarixdə, ümumiyyətlə bu il nə analizə, nə də xəstəxanaya aparmışam."

Sözügedən paylaşım sosial şəbəkələrdə müzakirələrə səbəb olub. İstifadəçilər elektron səhiyyə məlumatlarının düzgünlüyü və sistemdə bu cür qeydlərin hansı əsasla yarandığı ilə bağlı suallar səsləndirirlər.