Lukaşenkonun Putinin hüzuruna sirli səfəri Zelenskinin ultimatumunun son günündə baş tutub. Valday görüşü saatlarla davam edib. Bu, Lukaşenko üçün xoş bir təcrübə deyil: diktator sirli manevrlərini aydınlaşdırmaq üçün Putinin qarşısına çıxıb hesabat verir.
Görüş qapalı qapılar arxasında keçirilib və heç bir yekun açıqlama verilməyib. Hər şey son dərəcə məxfilik atmosferində keçirilib. Və məlum olur ki, Lukaşenko həm Zelenski, həm də Putinin önündə təzim etməli olur. Ukrayna prezidenti Belarus diktatoruna Rusiya ötürücü stansiyaları (və digər şeylər) ilə bağlı ultimatum vermişdi və daha sonra Lukaşenkonun bu ultimatumu yerinə yetirdiyini elan etdi.
Lukaşenkonun çox ucuz satdığı Putin bu cür fəaliyyətdən məmnun ola bilməz. O, Minskli vassalın onun zəifliyini hiss etdiyini ona görə də ondan məsafə saxlamağa çalışdığını yaxşı başa düşür. Bu üzdən də, Lukaşenko üçün ən yaxşı ssenaridə o, indi sərt şəkildə töhmət alır, ən pis ssenaridə isə hətta, ehtimal var ki, döyülür.
Putin Lukaşenkonu müharibəyə cəlb etmək və ya heç olmasa, Ukrayna və NATO ölkələrinə qarşı təxribatlar törətmək üçün ondan istifadə etmək üçün lazım olan hər vasitəyə əl atacaq. Rusiyada Moskvanın yanmasına və neft emalı zavodlarının alovlanmasına baxan Lukaşenko bu "hərəkətə" o qədər də həvəsli deyil.
Lakin bunun elə də əhəmiyyəti yoxdur. Onun qarşıdurmadan qaçmağa çalışmasını sübut edən bir sıra amillər var. Onlardan biri: dünən Lukaşenkonun dəstəklədiyi dövlət mediası Belarusun ATƏT-dəki nümayəndəsi Dapkiunasın Zelenskiyə qarşı təhqirləri özündə əks etdirən kobud çıxışını dərc etmişdi. Amma az sonra, sanki bir əmr ilə, o silindi. Deməli, onlar qorxurlar və qorxmaqda haqlıdırlar. Madyarın 500 rejim hədəfinə zərbə endirmək planı onların başlarının üzərindəki Domokl qılıncıdır...
Dadash Ahmadli
TEREF