Azərbaycana səyahətə gələn almaniyalı turist Karl və onun yaponiyalı sevgilisi Lisa bölgələrdən birində hərəkətdə olarkən xoşagəlməz və rüsvayçı hadisə ilə qarşılaşıblar. Rayon yollarından biri ilə keçən əcnəbi cütlüyün qarşısını yaşlı bir yerli sakin kəsib.

NOCOMMENT.az xəbər verir ki, avtomobili saxladan yaşlı kişi əvvəlcə turistlərlə söhbət etməyə, ünsiyyət qurmağa çalışıb. Lakin daha sonra sağollaşma bəhanəsi ilə yaxınlaşan həmin şəxs qeyri-etik hərəkətə yol verərək yaponiyalı xanım turistin sinəsinə toxunmağa cəhd göstərib.

Baş verən bu rüsvayçı hadisəni anbaan kameraya köçürən əcnəbi turistlər həmin kadrları öz sosial media hesablarında paylaşıblar.

Azərbaycanın qonaqpərvərlik imicinə ciddi kölgə salan bu hərəkətdən sonra Karl və Lisa dərhal Azərbaycan polisinə rəsmi şəkildə şikayət edərək həmin şəxsin tapılıb cəzalandırılmasını tələb ediblər.

Sözügedən görüntüləri təqdim edirik.