Əvvəllər amerikalı xeyriyyəçi və ABŞ-nin keçmiş birinci xanımı Jaklin Kennedinin yaxın dostu olan Reyçel Mellona məxsus olan 9.51 karat çəkisində nadir mavi "Mellon Blue" brilyantı Cenevrədə 20.5 milyon İsveçrə frankına (25.6 milyon dollar) satılıb.

Oxu.Az xəbər verir ki, bu barədə "Christie's" hərrac evi məlumat yayıb.

Qeyd olunur ki, "Mellon Blue" tünd rəngi sayəsində bütün nadir mavi brilyantların 1%-dən azını təşkil edən nadir kateqoriyasına daxil edilib. Bundan əlavə, daşın daxili qüsurları yoxdur.

Brilyant R.Mellonun 2014-cü ildə vəfatından sonra ilk dəfə hərraca çıxarılmış və 32.6 milyon dollara satılmışdı.