İranın energetika naziri Əliabadi bildirib ki, ölkədə su böhranı kritik həddə çatmadığı müddətdə Fars körfəzindən duzsuzlaşdırılmış suyun gətirilməsi gündəmdə deyil.

Globalinfo.az-ın xəbərinə görə, nazir vurğulayıb ki, suyun bu qədər uzun məsafəyə nəqli çox baha başa gəlir.

Hazırda hökumət Çabahar, Bəndər Abbas və Xuzistanda yeni duzsuzlaşdırma zavodlarının tikintisini prioritet hesab edir. Bu layihələrin ölkənin cənub bölgələrində su təminatını əhəmiyyətli dərəcədə yaxşılaşdıracağı gözlənilir.

Keçmiş nəqliyyat naziri Abbas Axundi bu yanaşmanı tənqid edib. Onun sözlərinə görə, dəniz suyunun duzsuzlaşdırılması layihələri həm yüksək maliyyə yükü yaradır, həm də ekoloji baxımdan ciddi risklər daşıyır. Abbas Axundi bildirib ki, su çatışmazlığının əsas səbəblərini aradan qaldırmadan belə layihələr uzunmüddətli həll sayıla bilməz.