Çinli qadın sağ qalmaq üçün müsabiqədə 50 siçovul yeyib.

Oxu.Az "South China Morning Post" nəşrinə istinadən xəbər verir ki, 25 yaşlı çinli Çjao Teçju sərt şərtlərlə keçirilən yarışda sağ qalmaq üçün 50 siçovul yeməli olub. Hadisə ölkənin əksər media qurumlarında manşetlərdə işıqlandırılıb.

Yarışın qaydalarına görə, iştirakçılar 35 gün ərzində səhra şəraitində yaşamalı, 40 dərəcə istidə sağ qalmaq üçün mübarizə aparmalı olublar. Çjaonun ayaqları həşəratların dişləmələri nəticəsində yara izləri ilə örtülüb.

Çətin sınaqlardan qalib çıxan Çjao 14 kiloqram arıqlayıb və 7 500 yuan (təxminən 1 794 manat) mükafat qazanıb. O, pəhrizini proteinlə zəngin qidalarla təmin etdiyini, gəmiriciləri ovlayıb dərilərini soyaraq qovurduğunu bildirib.

Yarış təşkilatçıları insanları belə təhlükəli təcrübələri təkrarlamamağa çağırıblar. Çinli qadın isə növbəti yarışlarda 15 kiloqram daha arıqlamaq niyyətində olduğunu söyləyib.