Ukrayna Donald Trampın vəzifəyə gəlməsindən əvvəl də Amerikaya təxminən 200 rus obyektinin siyahısını vermişdi, məqsəd bu obyektləri məhv etməklə cəbhə xəttində rusların imkanlarını zəiflətmək idi.

Qaynarinfo xəbər verir ki, bu fikri hərbi analitik, Rusiya-Ukrayna müharibəsinin veteranı, ehtiyat mayoru Aleksey Getman "Radio NV"nin efirində bildirib.

"Trampın biz bu raketləri haraya yönəldəcəyimizi bilmək istəməsi ilə bağlı açıqlamalarına gəldikdə - açıq-aşkar mülki obyektlərə deyil, rusların etdiyi kimi deyil", deyə Getman bildirib.

Eyni zamanda, təxminən bir il öncə, hələ ABŞ-da prezident Co Bayden olanda, Ukrayna nümayəndə heyəti Amerikaya səfər edib və rusların cəbhə xəttindəki imkanlarını zəiflətmək üçün məhv edilməli təxminən 200 obyektin siyahısını təqdim etmişdi.

Getman isə Trampın Ukraynaya "Tomahawk" raketlərinin satış imkanını demək olar ki, rədd etdiyini bildirməsi ilə bağlı bəyanatını "daha çox populist” hesab edir.

"O, biz nəyi və haranı məhv edəcəyik barədə, hansı obyektlərin rusların idarəetmə dəstəyi və ya cəbhə xəttinə göndərilən təchizat baxımından kritik olduğunu çox yaxşı bilir”, deyə o əlavə edib.

O, həmçinin "Tomahawk” raketlərinin Ukraynaya çatmasının "pis olmayacağını” bildirib. "Əgər verilərsə, yaxşı olar”, deyə Getman vurğulayıb.

Ekspert inandır ki, Ukrayna Rusiya ərazisində hərbi obyektlərə zərbə endirməlidir. O, həmçinin əmindir ki, Ukrayna gələcəkdə hərbi hissələri və hərbi müəssisələri təmin edən enerji obyektlərini hədəf almağa davam edəcək.

ABŞ prezidenti Donald Tramp isə "Tomahawk” raketlərinin satışına dair qərarı sanki qəbul etdiyini, lakin əvvəlcə ukraynalıların bu raketlərdən necə istifadə edəcəyini öyrənmək istədiyini bildirib.