Ana Vətən Partiyasının 25 illik yubileyilə bağlı geniş tədbir keçirilmişdir. Tətbirdə partiyanın rəhbərliyi, rayon təşkilatlarının sədrləri, Ali Məclis üzvləri iştirak etmişdir. Eyni zamanda yubileydə qonaq kimi siyasi partiya rəhbərləri və millət vəkilləri də iştirak etmişdir.

teref.az xəbər verir ki, tədbirin açılışından sonra ilk öncə yubiley iştirakçıları partiyanın sədri Fəzail Ağamalını növbəti dəfə Milli Məclis üzvülüyünə seçilməsi münasibətilə təbrik etmişdir. Sonra isə AVP sədri, millət vəkili Fəzail Ağamalı geniş nitq söyləmiş, partiyanın 25 illik tarixi barədə məlumat vermiş və yubiley iştirakçılarını təbrik etmişdir. Daha sonra AVP-nin tarixini özündə əks etdirən video-rolik nümayiş etdirilmişdir.
Yubileydə qonaq kimi iştirak edən YAP Siyasi Şurasının üzvü, millət vəkili Musa Quliyev, BQP-nın sədri, millət vəkili Fazil Qəzənfəroğlu çıxış edərək AVP-nin sədrini və üzvlərini partiyanın 25 illik yubileyi münasibətilə təbrik etmişlər.
Tədbir AVP-nin 25 illik yubileyi şərəfinə verilən ziyafətlə yekunlaşmışdır.