İsveç Rusiyadakı hərbi hədəfləri izləmək üçün ilk peykini kosmosa buraxıb.

Globalinfo.az xəbər verir ki, bu barədə “SVT” məlumat yayıb.

Nəşr qeyd edir ki, buraxılış mayın 3-də Kaliforniyadakı Vandenberq Hərbi Hava Qüvvələri Bazasından baş tutub və kosmik şirkət “Space X” tərəfindən həyata keçirilib.

Bildirilir ki, peyk təxminən bir ay ərzində tələb olunan orbitə çatacaq.

İsveç Kosmik Qüvvələrinin rəisi Anders Sundeman deyib ki, ölkənin silahlı qüvvələri hazırda müttəfiqlərdən və ya kommersiya peyklərindən görüntüləri alır.

O bildirib ki, növbəti iki il ərzində krallığın orbitdə təxminən 10 hərbi peyki olacaq.