Böyük Britaniyanın baş naziri Devid Kemeron bəyan edib ki, keçən il Ukrayna səmasında vurulmuş Malayziya hava yollarına aid təyyarə ilə bağlı beynəlxalq tribunal yaradılması qərarına Putinin veto qoyması dünya ictimaiyyətini qəzəbləndirəcək.

Avropa.info xəbər verir ki, Kemeron Rusiyanı ədalətin bərpa olunmasına maneçilik törətməkdə ittiham edib. Putinə görə təyyarəni vuranların cəzalandırılması üçün alternativ yollar tapılmalıdır.

“Yaddan çıxarmayaq ki, bu aviareysdə britaniyalılar ölüb. Bu reysdə yüzlərlə adam ölüb. Biz imkan verə bilmərik ki, cəmi bir ölkə həqiqət və ədalət məhkəməsinin önünü kəssin. Əgər BMT vasitəçiliyi ilə tribunal yarada bilmiriksə, bunu etmək üçün başqa yollara baş vurmalıyıq” – deyə Kemeron bildirib.