"OpenAI" və onun törəmə şirkəti "Statsig" işə qəbul zamanı ABŞ vətəndaşlarına qarşı ayrı-seçkilik iddiaları ilə bağlı ABŞ Ədliyyə Nazirliyi ilə 3,2 milyon dollarlıq razılaşma əldə edib.
Razılaşmaya əsasən, 1,2 milyon dollar cərimə, 2 milyon dollar isə zərər çəkdiyi iddia olunan şəxslərə kompensasiya fondu üçün ayrılacaq.

Araşdırmaya görə, şirkətlər PERM proqramı çərçivəsində bəzi vakansiyaları açıq şəkildə dərc etməyib və elektron müraciət əvəzinə poçtla müraciət tələb edərək ABŞ-li namizədlərin işə qəbul imkanlarını məhdudlaşdırıb.

"OpenAI" ittihamları qəbul etməsə də, razılaşma çərçivəsində PERM vakansiyalarını bundan sonra açıq karyera səhifəsində yerləşdirəcək, elektron müraciətləri qəbul edəcək və işə qəbul siyasətini yeniləyəcək.