Məşhur amerikalı aktyor, 65 yaşlı Piter Robbins intihar edib.

Aktyor əsasən “Peanuts” komiksləri əsasında çəkilmiş klassik ABŞ cizgi filmlərinin qəhrəmanı “Çarli Braun”u səsləndirməsi ilə məşhurlaşmışdı.

Bu barədə “Haber Global” xəbər verib.

Məlumata görə, o, hələ 9 yaşında olarkən “Çarli Braun”u səsləndirməklə şou dünyasına addımını atmışdı.

1965-ci ildə “A Charlie Brown Christmas” və 1966-cı ildə “It's the Great Pumpkin”, “Charlie Brown” da çox sevilən xarakteri səsləndirib.

Bundan başqa müxtəlif telefiziya seriallarında çəkilib, radioda “talk show” proqramı aparıb, bir neçə filmlərdə rol alıb.

Ancaq aktyor ömür boyu bipolyar pozuntudan əziyyət çəkib. Bundan başqa o, narkotik aludəçisi olub, bu səbəbdən bir neçə dəfə həbsə düşüb.