"Hər ay oğluma funt-sterlinqlə pul göndərməli idim. Makiyajımı, manikürümü, saç düzümümü özüm edirdim ki, xaricdə uşaq oxutdururam. Özümə o qədər qənaət edirdim ki... Oğlum hiss etməsin ki, anam əziyyətlə göndərir. Üç-dörd il əvvəl aldığım paltarları geyinirdim. Heç kim hiss etmirdi"

Manşet.az xəbər verir ki, bu sözləri müğənni Nura Suri "Söz baz" proqramında deyib. İfaçı dörd evini satdığını açıqlayıb:

"Həyat yoldaşımdan qalan 4 evi satmışım. Evimin biri 23 nömrəli məktəblə üzbəüz idi. Bir binanın üçüncü mərtəbəsinin hamısı mənim idim. Ortancıl oğlum doğulanda onun üçün almışdıq. Sonra başqa bir mərkəzdə olan yerdə evimi satdım. İkinci dəfə ailəli olanda 1 aydan sonra boşandım. Orda heç nə olmayıb.

Uşaqların atası imkanlıdır. Babaları dünyaca tanınmış məşhur insandır. İndi Amerikada onlara dəstək olur. Mən onları Amerikaya oxumağa göndərəndən, hər şey edəndən sonra nəsə edir onlara".