Polis Vindzorda Prince Andrew-un (Andrew Mountbatten-Windsor) keçmiş yaşayış yerində artıq dördüncü gündür axtarış aparır.

Bizimesr.az xəbər verir ki, "Sky News" telekanalının məlumatına görə, hüquq-mühafizə orqanları əməliyyatın ən azı bazar ertəsinə qədər davam edəcəyini təsdiqləyib.

Şahidlərin sözlərinə görə, Windsor Castle yaxınlığında yerləşən ərazidə son günlər polis maşınlarının sayı artıb. İstintaqın aktiv mərhələsi ötən həftənin cümə axşamı baş verən hadisələrdən sonra başlayıb.

Thames Valley Police həmin gün “Norfolkdan olan 60 yaşdan yuxarı bir kişinin” saxlanıldığını açıqlamışdı. Daha sonra həmin şəxsin Şahzadə Endryu olduğu məlum olub. Rəsmi ittiham vəzifə səlahiyyətlərindən sui-istifadə ilə bağlıdır.

Məlumata görə, o, sərbəst buraxılmazdan əvvəl polis bölməsində 11 saat saxlanılıb.

Qeyd edək ki, Şahzadə Endryu daha əvvəl məhkum olunmuş maliyyəçi Jeffrey Epstein ilə əlaqələrinə görə uzun müddətdir ictimai və hüquqi diqqət mərkəzindədir. O, bütün ittihamları rədd edir. ABŞ Ədliyyə Nazirliyinin fevral ayında açıqladığı sənədlərdə isə onun Britaniyanın rəsmi ticarət sənədlərini Epşteynə ötürdüyü iddia olunub.