Sun Yuan və Penq Yu cütlüyünün sonuncu əl işi dünyanı heyrətə salıb.

Heykəlləri hazırlayarkən insan toxumalarından da istifadə edən bu cütlük hiperrealizm cərəyanına aid əsərlər yaradırlar. Onların sonuncu "Göydən düşmüş mələk" adlı əsərləri də görənləri heyrətə gətirib.

Heykəli canlı görənlərlə yanaşı, onu sosial media üzərindən görərək, təəccübləndiklərini etiraf edənlər və canlıya bənzətdiklərini bildirənlər də az deyil.

“Mələk” adlı heykəlin hazırlanmasında silikat, lif, paslanmayan polad və tel hörgüdən istifadə olunub.

Yaşlı bir qadını mələk olaraq, təsvir etdikləri heykəldə diqqəti çəkən məqamlardan biri də qanadlarının tüksüz, üz ifadəsinin isə yuxunu və ya ölümü xatırlatmasıdır.

Cütlüyün öz saytlarına yerləşdirdikləri bu əsərin təqdimat başlığı isə bütün suallara cavab verir: "Fövqəltəbii və dünyəvi olanın arasındakı gərginliyi və keçidi vurğulamaq..."




Musavat.com